← →

    Stanza 7.76.1

    उदु॒ ज्योति॑र॒मृतं॑ वि॒श्वज॑न्यं वि॒श्वान॑रः सवि॒ता दे॒वो अ॑श्रेत् | क्रत्वा॑ दे॒वाना॑मजनिष्ट॒ चक्षु॑रा॒विर॑क॒र्भुव॑नं॒ विश्व॑मु॒षाः ||

    úd u jyótir amŕ̥taṁ viśvájanyaṁ viśvā́naraḥ savitā́ devó aśret krátvā devā́nām ajaniṣṭa cákṣur āvír akar bhúvanaṁ víśvam uṣā́ḥ

    The all-pervading Sun God, Savitr, has sent forth his immortal light, meant for all people. As the eye of the gods, this light was created. The dawn then makes the entire world visible.

    Stanza 7.76.2

    प्र मे॒ पन्था॑ देव॒याना॑ अदृश्र॒न्नम॑र्धन्तो॒ वसु॑भि॒रिष्कृ॑तासः | अभू॑दु के॒तुरु॒षसः॑ पु॒रस्ता॑त्प्रती॒च्यागा॒दधि॑ ह॒र्म्येभ्यः॑ ||

    prá me pánthā devayā́nā adr̥śrann ámardhanto vásubhir íṣkr̥tāsaḥ ábhūd u ketúr uṣásaḥ purástāt pratīcy ā́gād ádhi harmyébhyaḥ

    I see the paths of the gods, which are safe and prepared with treasures. The flag of the Dawn has risen in the east, and she has arrived above the houses.

    Stanza 7.76.3

    तानीदहा॑नि बहु॒लान्या॑स॒न्या प्रा॒चीन॒मुदि॑ता॒ सूर्य॑स्य | यतः॒ परि॑ जा॒र इ॑वा॒चर॒न्त्युषो॑ ददृ॒क्षे न पुन॑र्य॒तीव॑ ||

    tā́nī́d áhāni bahulā́ny āsan yā́ prācī́nam úditā sū́ryasya yátaḥ pári jārá ivācáranty úṣo dadr̥kṣé ná púnar yatī́va

    Indeed, many dawns have existed before the sun rose. When the Dawn moves forth like a lover, she is seen and does not leave, just as if she were returning.

    Stanza 7.76.4

    त इद्दे॒वानां॑ सध॒माद॑ आसन्नृ॒तावा॑नः क॒वयः॑ पू॒र्व्यासः॑ | गू॒ळ्हं ज्योतिः॑ पि॒तरो॒ अन्व॑विन्दन्त्स॒त्यम॑न्त्रा अजनयन्नु॒षास॑म् ||

    tá íd devā́nāṁ sadhamā́da āsann r̥tā́vānaḥ kaváyaḥ pūrvyā́saḥ gūḷháṁ jyótiḥ pitáro ánv avindan satyámantrā ajanayann uṣā́sam

    Those wise, ancient ones, who followed the cosmic order, were companions at the gods' feasts. The ancestors found the hidden light and, with true chants, created the Dawn.

    Stanza 7.76.5

    स॒मा॒न ऊ॒र्वे अधि॒ संग॑तासः॒ सं जा॑नते॒ न य॑तन्ते मि॒थस्ते | ते दे॒वानां॒ न मि॑नन्ति व्र॒तान्यम॑र्धन्तो॒ वसु॑भि॒र्याद॑मानाः ||

    samāná ūrvé ádhi sáṁgatāsaḥ sáṁ jānate ná yatante mithás té té devā́nāṁ ná minanti vratā́ny ámardhanto vásubhir yā́damānāḥ

    Gathered together in the same place, they are in agreement and do not strive against each other. They do not break the gods' vows and, with the Vasus, are never harmed.

    Stanza 7.76.6

    प्रति॑ त्वा॒ स्तोमै॑रीळते॒ वसि॑ष्ठा उष॒र्बुधः॑ सुभगे तुष्टु॒वांसः॑ | गवां॑ ने॒त्री वाज॑पत्नी न उ॒च्छोषः॑ सुजाते प्रथ॒मा ज॑रस्व ||

    práti tvā stómair īḷate vásiṣṭhā uṣarbúdhaḥ subhage tuṣṭuvā́ṁsaḥ gávāṁ netrī́ vā́japatnī na uchóṣaḥ sujāte prathamā́ jarasva

    The Vasishṭhas, awake early, praise you, O blessed Dawn. Leader of cows and mistress of nourishment, shine brightly for us, O well-born one, appearing first.

    Stanza 7.76.7

    ए॒षा ने॒त्री राध॑सः सू॒नृता॑नामु॒षा उ॒च्छन्ती॑ रिभ्यते॒ वसि॑ष्ठैः | दी॒र्घ॒श्रुतं॑ र॒यिम॒स्मे दधा॑ना यू॒यं पा॑त स्व॒स्तिभिः॒ सदा॑ नः ||

    eṣā́ netrī́ rā́dhasaḥ sūnŕ̥tānām uṣā́ uchántī ribhyate vásiṣṭhaiḥ dīrghaśrútaṁ rayím asmé dádhānā yūyám pāta svastíbhiḥ sádā naḥ

    This Dawn, leading abundance and sweet songs, rises and is praised by the Vasishṭhas. Bestowing great wealth upon us, may you gods protect us always with blessings.

    ← Previous Hymn Next Hymn →