← →

    Stanza 7.26.1

    न सोम॒ इन्द्र॒मसु॑तो ममाद॒ नाब्र॑ह्माणो म॒घवा॑नं सु॒तासः॑ | तस्मा॑ उ॒क्थं ज॑नये॒ यज्जुजो॑षन्नृ॒वन्नवी॑यः शृ॒णव॒द्यथा॑ नः ||

    ná sóma índram ásuto mamāda nā́brahmāṇo maghávānaṁ sutā́saḥ tásmā uktháṁ janaye yáj jújoṣan nr̥ván návīyaḥ śr̥ṇávad yáthā naḥ

    Soma, not yet pressed, never pleased Indra; nor did unoffered juices please the liberal giver. Therefore, I create a hymn that he may favor, new and heroic, so that he may hear us.

    Stanza 7.26.2

    उ॒क्थउ॑क्थे॒ सोम॒ इन्द्रं॑ ममाद नी॒थेनी॑थे म॒घवा॑नं सु॒तासः॑ | यदीं॑ स॒बाधः॑ पि॒तरं॒ न पु॒त्राः स॑मा॒नद॑क्षा॒ अव॑से॒ हव॑न्ते ||

    ukthá-ukthe sóma índram mamāda nīthé-nīthe maghávānaṁ sutā́saḥ yád īṁ sabā́dhaḥ pitáraṁ ná putrā́ḥ samānádakṣā ávase hávante

    At every hymn, Soma pleased Indra; and pressed juices pleased the bounteous one. When, united in purpose, they call him for aid, like sons call their father.

    Stanza 7.26.3

    च॒कार॒ ता कृ॒णव॑न्नू॒नम॒न्या यानि॑ ब्रु॒वन्ति॑ वे॒धसः॑ सु॒तेषु॑ | जनी॑रिव॒ पति॒रेकः॑ समा॒नो नि मा॑मृजे॒ पुर॒ इन्द्रः॒ सु सर्वाः॑ ||

    cakā́ra tā́ kr̥ṇávan nūnám anyā́ yā́ni bruvánti vedhásaḥ sutéṣu jánīr iva pátir ékaḥ samānó ní māmr̥je púra índraḥ sú sárvāḥ

    He has done these things; may he do others. The priests declare them when the Soma is pressed. Indra has taken and possesses all the strongholds, just as a single husband possesses many wives.

    Stanza 7.26.4

    ए॒वा तमा॑हुरु॒त शृ॑ण्व॒ इन्द्र॒ एको॑ विभ॒क्ता त॒रणि॑र्म॒घाना॑म् | मि॒थ॒स्तुर॑ ऊ॒तयो॒ यस्य॑ पू॒र्वीर॒स्मे भ॒द्राणि॑ सश्चत प्रि॒याणि॑ ||

    evā́ tám āhur utá śr̥ṇva índra éko vibhaktā́ taráṇir maghā́nām mithastúra ūtáyo yásya pūrvī́r asmé bhadrā́ṇi saścata priyā́ṇi

    Thus they call him; listen, Indra is one, the distributor of riches, the conqueror of obstacles. Whose many helps come in succession. May good and dear things happen for us.

    Stanza 7.26.5

    ए॒वा वसि॑ष्ठ॒ इन्द्र॑मू॒तये॒ नॄन्कृ॑ष्टी॒नां वृ॑ष॒भं सु॒ते गृ॑णाति | स॒ह॒स्रिण॒ उप॑ नो माहि॒ वाजा॑न्यू॒यं पा॑त स्व॒स्तिभिः॒ सदा॑ नः ||

    evā́ vásiṣṭha índram ūtáye nr̥ŕ̥n kr̥ṣṭīnā́ṁ vr̥ṣabháṁ suté gr̥ṇāti sahasríṇa úpa no māhi vā́jān yūyám pāta svastíbhiḥ sádā naḥ

    Thus Vasishtha, for help, praises Indra, the bull of the people, at the pressing of Soma. Grant us thousands of powers and wealths. You who are gods, protect us with blessings always.

    ← Previous Hymn Next Hymn →