← →

    Stanza 6.15.1

    इ॒ममू॒ षु वो॒ अति॑थिमुष॒र्बुधं॒ विश्वा॑सां वि॒शां पति॑मृञ्जसे गि॒रा | वेतीद्दि॒वो ज॒नुषा॒ कच्चि॒दा शुचि॒र्ज्योक्चि॑दत्ति॒ गर्भो॒ यदच्यु॑तम् ||

    imám ū ṣú vo átithim uṣarbúdhaṁ víśvāsāṁ viśā́m pátim r̥ñjase girā́ vétī́d divó janúṣā kác cid ā́ śúcir jyók cid atti gárbho yád ácyutam

    I approach this guest of yours, the one who wakes with the dawn, the lord of all tribes, with this song. He comes from the sky, this pure one, from birth. May he eat, this child, what is eternal.

    Stanza 6.15.2

    मि॒त्रं न यं सुधि॑तं॒ भृग॑वो द॒धुर्वन॒स्पता॒वीड्य॑मू॒र्ध्वशो॑चिषम् | स त्वं सुप्री॑तो वी॒तह॑व्ये अद्भुत॒ प्रश॑स्तिभिर्महयसे दि॒वेदि॑वे ||

    mitráṁ ná yáṁ súdhitam bhŕ̥gavo dadhúr vánaspátāv ī́ḍyam ūrdhváśociṣam sá tváṁ súprīto vītáhavye adbhuta práśastibhir mahayase divé-dive

    Like a well-established friend whom the Bhrigus placed in the forest, with upward flames, Agni is revered. You, O wondrous one, are pleased and magnified each day with praises by Vitahavya.

    Stanza 6.15.3

    स त्वं दक्ष॑स्यावृ॒को वृ॒धो भू॑र॒र्यः पर॒स्यान्त॑रस्य॒ तरु॑षः | रा॒यः सू॑नो सहसो॒ मर्त्ये॒ष्वा छ॒र्दिर्य॑च्छ वी॒तह॑व्याय स॒प्रथो॑ भ॒रद्वा॑जाय स॒प्रथः॑ ||

    sá tváṁ dákṣasyāvr̥kó vr̥dhó bhūr aryáḥ párasyā́ntarasya táruṣaḥ rāyáḥ sūno sahaso mártyeṣv ā́ chardír yacha vītáhavyāya saprátho bharádvājāya sapráthaḥ

    Be you a strong, unwavering protector, the best one, against enemies near and far. O son of strength, bestow shelter and riches upon mortals. Grant this to Vitahavya and Bharadvaja, spreading abundance.

    Stanza 6.15.4

    द्यु॒ता॒नं वो॒ अति॑थिं॒ स्व॑र्णरम॒ग्निं होता॑रं॒ मनु॑षः स्वध्व॒रम् | विप्रं॒ न द्यु॒क्षव॑चसं सुवृ॒क्तिभि॑र्हव्य॒वाह॑मर॒तिं दे॒वमृ॑ञ्जसे ||

    dyutānáṁ vo átithiṁ svàrṇaram agníṁ hótāram mánuṣaḥ svadhvarám vípraṁ ná dyukṣávacasaṁ suvr̥ktíbhir havyavā́ham aratíṁ devám r̥ñjase

    Your radiant guest, Agni, the priest from heaven, the best performer of rites for mankind, I seek with hymns. Like a wise one with excellent utterances, the bearer of offerings, the divine envoy, I approach.

    Stanza 6.15.5

    पा॒व॒कया॒ यश्चि॒तय॑न्त्या कृ॒पा क्षाम॑न्रुरु॒च उ॒षसो॒ न भा॒नुना॑ | तूर्व॒न्न याम॒न्नेत॑शस्य॒ नू रण॒ आ यो घृ॒णे न त॑तृषा॒णो अ॒जरः॑ ||

    pāvakáyā yáś citáyantyā kr̥pā́ kṣā́man rurucá uṣáso ná bhānúnā tū́rvan ná yā́mann étaśasya nū́ ráṇa ā́ yó ghr̥ṇé ná tatr̥ṣāṇó ajáraḥ

    He shines with purifying, captivating brilliance, like the light of dawn upon the earth. Moving swiftly, like the swift horse in battle, he is unaging, like one thirsty in the heat.

    Stanza 6.15.6

    अ॒ग्निम॑ग्निं वः स॒मिधा॑ दुवस्यत प्रि॒यम्प्रि॑यं वो॒ अति॑थिं गृणी॒षणि॑ | उप॑ वो गी॒र्भिर॒मृतं॑ विवासत दे॒वो दे॒वेषु॒ वन॑ते॒ हि वार्यं॑ दे॒वो दे॒वेषु॒ वन॑ते॒ हि नो॒ दुवः॑ ||

    agním-agniṁ vaḥ samídhā duvasyata priyám-priyaṁ vo átithiṁ gr̥ṇīṣáṇi úpa vo gīrbhír amŕ̥taṁ vivāsata devó devéṣu vánate hí vā́ryaṁ devó devéṣu vánate hí no dúvaḥ

    Worship Agni, Agni, with fuel; praise your beloved guest with hymns. Invite the immortal with your songs. The god among gods desires the excellent, and he desires our service.

    Stanza 6.15.7

    समि॑द्धम॒ग्निं स॒मिधा॑ गि॒रा गृ॑णे॒ शुचिं॑ पाव॒कं पु॒रो अ॑ध्व॒रे ध्रु॒वम् | विप्रं॒ होता॑रं पुरु॒वार॑म॒द्रुहं॑ क॒विं सु॒म्नैरी॑महे जा॒तवे॑दसम् ||

    sámiddham agníṁ samídhā girā́ gr̥ṇe śúcim pāvakám puró adhvaré dhruvám vípraṁ hótāram puruvā́ram adrúhaṁ kavíṁ sumnaír īmahe jātávedasam

    With fuel and praise, I sing of Agni, kindled, pure, purifying, steadfast before the rite. The wise priest, the best among many, the non-deceitful one, we invoke with blessings.

    Stanza 6.15.8

    त्वां दू॒तम॑ग्ने अ॒मृतं॑ यु॒गेयु॑गे हव्य॒वाहं॑ दधिरे पा॒युमीड्य॑म् | दे॒वास॑श्च॒ मर्ता॑सश्च॒ जागृ॑विं वि॒भुं वि॒श्पतिं॒ नम॑सा॒ नि षे॑दिरे ||

    tvā́ṁ dūtám agne amŕ̥taṁ yugé-yuge havyavā́haṁ dadhire pāyúm ī́ḍyam devā́saś ca mártāsaś ca jā́gr̥viṁ vibhúṁ viśpátiṁ námasā ní ṣedire

    You, Agni, the immortal envoy of the gods, the offering-bearer, the adorable protector, have been established. Gods and mortals alike have placed you, the watchful, all-pervading lord of the home, with reverence.

    Stanza 6.15.9

    वि॒भूष॑न्नग्न उ॒भयाँ॒ अनु॑ व्र॒ता दू॒तो दे॒वानां॒ रज॑सी॒ समी॑यसे | यत्ते॑ धी॒तिं सु॑म॒तिमा॑वृणी॒महेऽध॑ स्मा नस्त्रि॒वरू॑थः शि॒वो भ॑व ||

    vibhū́ṣann agna ubháyām̐ ánu vratā́ dūtó devā́nāṁ rájasī sám īyase yát te dhītíṁ sumatím āvr̥ṇīmáhé 'dha smā nas trivárūthaḥ śivó bhava

    O Agni, adorner of both realms, moving according to their laws, you traverse the two regions as the envoy of the gods. When we choose your favor and thoughtful presence, then become our thrice-protected, benevolent guardian.

    Stanza 6.15.10

    तं सु॒प्रती॑कं सु॒दृशं॒ स्वञ्च॒मवि॑द्वांसो वि॒दुष्ट॑रं सपेम | स य॑क्ष॒द्विश्वा॑ व॒युना॑नि वि॒द्वान्प्र ह॒व्यम॒ग्निर॒मृते॑षु वोचत् ||

    táṁ suprátīkaṁ sudŕ̥śaṁ sváñcam ávidvāṁso vidúṣṭaraṁ sapema sá yakṣad víśvā vayúnāni vidvā́n prá havyám agnír amŕ̥teṣu vocat

    We, though less knowledgeable, may follow him, the beautifully formed, well-seen, swift one, more knowledgeable than us. May he who knows all wisdom perform the sacrifice, may Agni announce the offering among the immortals.

    Stanza 6.15.11

    तम॑ग्ने पास्यु॒त तं पि॑पर्षि॒ यस्त॒ आन॑ट् क॒वये॑ शूर धी॒तिम् | य॒ज्ञस्य॑ वा॒ निशि॑तिं॒ वोदि॑तिं वा॒ तमित्पृ॑णक्षि॒ शव॑सो॒त रा॒या ||

    tám agne pāsy utá tám piparṣi yás ta ā́naṭ kaváye śūra dhītím yajñásya vā níśitiṁ vóditiṁ vā tám ít pr̥ṇakṣi śávasotá rāyā́

    O Agni, do you protect him, do you deliver him who brings you prayer, O Hero? Do you grant insight into the beginning or end of the sacrifice? You indeed fulfill with strength and wealth.

    Stanza 6.15.12

    त्वम॑ग्ने वनुष्य॒तो नि पा॑हि॒ त्वमु॑ नः सहसावन्नव॒द्यात् | सं त्वा॑ ध्वस्म॒न्वद॒भ्ये॑तु॒ पाथः॒ सं र॒यिः स्पृ॑ह॒याय्यः॑ सह॒स्री ||

    tvám agne vanuṣyató ní pāhi tvám u naḥ sahasāvann avadyā́t sáṁ tvā dhvasmanvád abhy ètu pā́thaḥ sáṁ rayí spr̥hayā́yyaḥ sahasrī́

    O Agni, protect us from those who would harm us. O powerful one, protect us from disgrace. Let protective shelter come upon us; may desirable wealth, in thousands, come to us.

    Stanza 6.15.13

    अ॒ग्निर्होता॑ गृ॒हप॑तिः॒ स राजा॒ विश्वा॑ वेद॒ जनि॑मा जा॒तवे॑दाः | दे॒वाना॑मु॒त यो मर्त्या॑नां॒ यजि॑ष्ठः॒ स प्र य॑जतामृ॒तावा॑ ||

    agnír hótā gr̥hápatiḥ sá rā́jā víśvā veda jánimā jātávedāḥ devā́nām utá yó mártyānāṁ yájiṣṭhaḥ sá prá yajatām r̥tā́vā

    Agni, the priest, the house-lord, the king, knows all origins, the knower of all. He is the best worshipper of gods and mortals. May he, the truthful, begin the sacrifice.

    Stanza 6.15.14

    अग्ने॒ यद॒द्य वि॒शो अ॑ध्वरस्य होतः॒ पाव॑कशोचे॒ वेष्ट्वं हि यज्वा॑ | ऋ॒ता य॑जासि महि॒ना वि यद्भूर्ह॒व्या व॑ह यविष्ठ॒ या ते॑ अ॒द्य ||

    ágne yád adyá viśó adhvarasya hotaḥ pā́vakaśoce véṣ ṭváṁ hí yájvā r̥tā́ yajāsi mahinā́ ví yád bhū́r havyā́ vaha yaviṣṭha yā́ te adyá

    O Agni, priest, whatever you enjoy today from the sacrifice, you are the worshipper and performer. You expand with greatness. Carry, O youngest one, your offerings.

    Stanza 6.15.15

    अ॒भि प्रयां॑सि॒ सुधि॑तानि॒ हि ख्यो नि त्वा॑ दधीत॒ रोद॑सी॒ यज॑ध्यै | अवा॑ नो मघव॒न्वाज॑साता॒वग्ने॒ विश्वा॑नि दुरि॒ता त॑रेम॒ ता त॑रेम॒ तवाव॑सा तरेम ||

    abhí práyāṁsi súdhitāni hí khyó ní tvā dadhīta ródasī yájadhyai ávā no maghavan vā́jasātāv ágne víśvāni duritā́ tarema tā́ tarema távā́vasā tarema

    Look upon the well-prepared offerings. The gods would establish you for worship. Help us, O liberal Agni, in the contest for wealth, so that we may overcome all troubles. Let us overcome them with your help.

    Stanza 6.15.16

    अग्ने॒ विश्वे॑भिः स्वनीक दे॒वैरूर्णा॑वन्तं प्रथ॒मः सी॑द॒ योनि॑म् | कु॒ला॒यिनं॑ घृ॒तव॑न्तं सवि॒त्रे य॒ज्ञं न॑य॒ यज॑मानाय सा॒धु ||

    ágne víśvebhiḥ svanīka devaír ū́rṇāvantam prathamáḥ sīda yónim kulāyínaṁ ghr̥távantaṁ savitré yajñáṁ naya yájamānāya sādhú

    O fair-faced Agni, sit first with all the gods in the wool-lined nest-like seat, covered with ghee. Lead this sacrifice to Savitar, for the worshipper.

    Stanza 6.15.17

    इ॒ममु॒ त्यम॑थर्व॒वद॒ग्निं म॑न्थन्ति वे॒धसः॑ | यम॑ङ्कू॒यन्त॒मान॑य॒न्नमू॑रं श्या॒व्या॑भ्यः ||

    imám u tyám atharvavád agním manthanti vedhásaḥ yám aṅkūyántam ā́nayann ámūraṁ śyāvyāā̀bhyaḥ

    The wise ones, as Atharvan did, rub this Agni forth. They brought him, moving through winding ways, not bewildered, from the darkness.

    Stanza 6.15.18

    जनि॑ष्वा दे॒ववी॑तये स॒र्वता॑ता स्व॒स्तये॑ | आ दे॒वान्व॑क्ष्य॒मृताँ॑ ऋता॒वृधो॑ य॒ज्ञं दे॒वेषु॑ पिस्पृशः ||

    jániṣvā devávītaye sarvátātā svastáye ā́ devā́n vakṣy amŕ̥tām̐ r̥tāvŕ̥dho yajñáṁ devéṣu pispr̥śaḥ

    Be born for the gods' feast, for all completeness, for well-being. Bring the immortal gods, the upholders of order, to our sacrifice. Let our sacrifice reach the gods.

    Stanza 6.15.19

    व॒यमु॑ त्वा गृहपते जनाना॒मग्ने॒ अक॑र्म स॒मिधा॑ बृ॒हन्त॑म् | अ॒स्थू॒रि नो॒ गार्ह॑पत्यानि सन्तु ति॒ग्मेन॑ न॒स्तेज॑सा॒ सं शि॑शाधि ||

    vayám u tvā gr̥hapate janānām ágne ákarma samídhā br̥hántam asthūrí no gā́rhapatyāni santu tigména nas téjasā sáṁ śiśādhi

    We have made you mighty, Agni, master of men, with fuel. May our household things not be defective. Sharpen us with your keen, powerful brilliance.

    ← Previous Hymn Next Hymn →