← →

    Stanza 8.40.1

    इन्द्रा॑ग्नी यु॒वं सु नः॒ सह॑न्ता॒ दास॑थो र॒यिम् | येन॑ दृ॒ळ्हा स॒मत्स्वा वी॒ळु चि॑त्साहिषी॒मह्य॒ग्निर्वने॑व॒ वात॒ इन्नभ॑न्तामन्य॒के स॑मे ||

    índrāgnī yuváṁ sú naḥ sáhantā dā́satho rayím yéna dr̥ḷhā́ samátsv ā́ vīḷú cit sāhiṣīmáhy agnír váneva vā́ta ín nábhantām anyaké same

    Indra and Agni, you two, as supreme conquerors, grant us abundant wealth. With this, may we, in battles, overcome even the strongly fortified and the immovable. May they (our enemies) be consumed like Agni consumes forests with the wind. May all others perish.

    Stanza 8.40.2

    न॒हि वां॑ व॒व्रया॑म॒हेऽथेन्द्र॒मिद्य॑जामहे॒ शवि॑ष्ठं नृ॒णां नर॑म् | स नः॑ क॒दा चि॒दर्व॑ता॒ गम॒दा वाज॑सातये॒ गम॒दा मे॒धसा॑तये॒ नभ॑न्तामन्य॒के स॑मे ||

    nahí vāṁ vavráyāmahé 'théndram íd yajāmahe śáviṣṭhaṁ nr̥ṇā́ṁ náram sá naḥ kadā́ cid árvatā gámad ā́ vā́jasātaye gámad ā́ medhásātaye nábhantām anyaké same

    We do not set any snares for you two. Instead, we worship Indra, the mightiest hero of men. May he, with his swift horse, come to us at some point for sustenance and for the completion of our rituals. May others perish.

    Stanza 8.40.3

    ता हि मध्यं॒ भरा॑णामिन्द्रा॒ग्नी अ॑धिक्षि॒तः | ता उ॑ कवित्व॒ना क॒वी पृ॒च्छ्यमा॑ना सखीय॒ते सं धी॒तम॑श्नुतं नरा॒ नभ॑न्तामन्य॒के स॑मे ||

    tā́ hí mádhyam bhárāṇām indrāgnī́ adhikṣitáḥ tā́ u kavitvanā́ kavī́ pr̥chyámānā sakhīyaté sáṁ dhītám aśnutaṁ narā nábhantām anyaké same

    For indeed, Indra and Agni, you are present in the midst of the battles. You are wise ones, sought after like friends. Heroes, accept our offering and grant our desires.

    Stanza 8.40.4

    अ॒भ्य॑र्च नभाक॒वदि॑न्द्रा॒ग्नी य॒जसा॑ गि॒रा | ययो॒र्विश्व॑मि॒दं जग॑दि॒यं द्यौः पृ॑थि॒वी म॒ह्यु१॒॑पस्थे॑ बिभृ॒तो वसु॒ नभ॑न्तामन्य॒के स॑मे ||

    abhy àrca nabhākavád indrāgnī́ yajásā girā́ yáyor víśvam idáṁ jágad iyáṁ dyaúḥ pr̥thivī́ mahy ùpásthe bibhr̥tó vásu nábhantām anyaké same

    Praise, as Nabhāka did, Indra and Agni, with worship and hymn. To whom all this world belongs, this mighty heaven and earth, which hold treasures in their lap. They nourish all.

    Stanza 8.40.5

    प्र ब्रह्मा॑णि नभाक॒वदि॑न्द्रा॒ग्निभ्या॑मिरज्यत | या स॒प्तबु॑ध्नमर्ण॒वं जि॒ह्मबा॑रमपोर्णु॒त इन्द्र॒ ईशा॑न॒ ओज॑सा॒ नभ॑न्तामन्य॒के स॑मे ||

    prá bráhmāṇi nabhākavád indrāgníbhyām irajyata yā́ saptábudhnam arṇaváṁ jihmábāram aporṇutá índra ī́śāna ójasā nábhantām anyaké same

    Send forth your prayers, as Nabhāka did, to Indra and Agni. They opened the seven-based ocean with its sideways opening. Indra, the powerful ruler, commands with strength.

    Stanza 8.40.6

    अपि॑ वृश्च पुराण॒वद्व्र॒तते॑रिव गुष्पि॒तमोजो॑ दा॒सस्य॑ दम्भय | व॒यं तद॑स्य॒ सम्भृ॑तं॒ वस्विन्द्रे॑ण॒ वि भ॑जेमहि॒ नभ॑न्तामन्य॒के स॑मे ||

    ápi vr̥śca purāṇavád vratáter iva guṣpitám ójo dāsásya dambhaya vayáṁ tád asya sámbhr̥taṁ vásv índreṇa ví bhajemahi nábhantām anyaké same

    Tear apart, as in ancient times, like a tangled plant, the might of the Dasa. Destroy it. May we, with Indra's help, share the wealth he has gathered.

    Stanza 8.40.7

    यदि॑न्द्रा॒ग्नी जना॑ इ॒मे वि॒ह्वय॑न्ते॒ तना॑ गि॒रा | अ॒स्माके॑भि॒र्नृभि॑र्व॒यं सा॑स॒ह्याम॑ पृतन्य॒तो व॑नु॒याम॑ वनुष्य॒तो नभ॑न्तामन्य॒के स॑मे ||

    yád indrāgnī́ jánā imé vihváyante tánā girā́ asmā́kebhir nŕ̥bhir vayáṁ sāsahyā́ma pr̥tanyató vanuyā́ma vanuṣyató nábhantām anyaké same

    If these people invoke Indra and Agni with song and hymn, may we, with our heroes, overcome those who provoke battle and conquer those who attack.

    Stanza 8.40.8

    या नु श्वे॒ताव॒वो दि॒व उ॒च्चरा॑त॒ उप॒ द्युभिः॑ | इ॒न्द्रा॒ग्न्योरनु॑ व्र॒तमुहा॑ना यन्ति॒ सिन्ध॑वो॒ यान्त्सीं॑ ब॒न्धादमु॑ञ्चतां॒ नभ॑न्तामन्य॒के स॑मे ||

    yā́ nú śvetā́v avó divá uccárāta úpa dyúbhiḥ indrāgnyór ánu vratám úhānā yanti síndhavo yā́n sīm bandhā́d ámuñcatāṁ nábhantām anyaké same

    When the two white ones descend with radiance from the sky, following the command of Indra and Agni, the rivers flow, which they released from their bonds.

    Stanza 8.40.9

    पू॒र्वीष्ट॑ इ॒न्द्रोप॑मातयः पू॒र्वीरु॒त प्रश॑स्तयः॒ सूनो॑ हि॒न्वस्य॑ हरिवः | वस्वो॑ वी॒रस्या॒पृचो॒ या नु साध॑न्त नो॒ धियो॒ नभ॑न्तामन्य॒के स॑मे ||

    pūrvī́ṣ ṭa indrópamātayaḥ pūrvī́r utá práśastayaḥ sū́no hinvásya harivaḥ vásvo vīrásyāpŕ̥co yā́ nú sā́dhanta no dhíyo nábhantām anyaké same

    O Indra, many are your aids and praises. O Lord of Steeds, Son of Hinva, grant to us, through your strength, that our prayers, aiming for a great hero, may be accomplished.

    Stanza 8.40.10

    तं शि॑शीता सुवृ॒क्तिभि॑स्त्वे॒षं सत्वा॑नमृ॒ग्मिय॑म् | उ॒तो नु चि॒द्य ओज॑सा॒ शुष्ण॑स्या॒ण्डानि॒ भेद॑ति॒ जेष॒त्स्व॑र्वतीर॒पो नभ॑न्तामन्य॒के स॑मे ||

    táṁ śiśītā suvr̥ktíbhis tveṣáṁ sátvānam r̥gmíyam utó nú cid yá ójasā śúṣṇasyāṇḍā́ni bhédati jéṣat svàrvatīr apó nábhantām anyaké same

    Inspire that brilliant hero with good hymns; with his might, he breaks the eggs of Shushna and wins the sunlit waters. May others perish.

    Stanza 8.40.11

    तं शि॑शीता स्वध्व॒रं स॒त्यं सत्वा॑नमृ॒त्विय॑म् | उ॒तो नु चि॒द्य ओह॑त आ॒ण्डा शुष्ण॑स्य॒ भेद॒त्यजैः॒ स्व॑र्वतीर॒पो नभ॑न्तामन्य॒के स॑मे ||

    táṁ śiśītā svadhvaráṁ satyáṁ sátvānam r̥tvíyam utó nú cid yá óhata āṇḍā́ śúṣṇasya bhédaty ájaiḥ svàrvatīr apó nábhantām anyaké same

    Inspire that hero, who is truly mighty and performs rituals well, with divine knowledge. He broke the eggs of Shushna and won the sunlit waters. May others perish.

    Stanza 8.40.12

    ए॒वेन्द्रा॒ग्निभ्यां॑ पितृ॒वन्नवी॑यो मन्धातृ॒वद॑ङ्गिर॒स्वद॑वाचि | त्रि॒धातु॑ना॒ शर्म॑णा पातम॒स्मान्व॒यं स्या॑म॒ पत॑यो रयी॒णाम् ||

    evéndrāgníbhyām pitr̥ván návīyo mandhātr̥vád aṅgirasvád avāci tridhā́tunā śármaṇā pātam asmā́n vayáṁ syāma pátayo rayīṇā́m

    Thus, we have sung anew to Indra and Agni, like our fathers (Angirases) and like Mandhâtar. Protect us with triple shelter. May we become masters of wealth.

    ← Previous Hymn Next Hymn →