← →

    Stanza 7.83.1

    यु॒वां न॑रा॒ पश्य॑मानास॒ आप्यं॑ प्रा॒चा ग॒व्यन्तः॑ पृथु॒पर्श॑वो ययुः | दासा॑ च वृ॒त्रा ह॒तमार्या॑णि च सु॒दास॑मिन्द्रावरु॒णाव॑सावतम् ||

    yuvā́ṁ narā páśyamānāsa ā́pyam prācā́ gavyántaḥ pr̥thupárśavo yayuḥ dā́sā ca vr̥trā́ hatám ā́ryāṇi ca sudā́sam indrāvaruṇā́vasāvatam

    O heroes, looking to you and your alliance, with broad axes, eager for bounty, you advanced. You both, Indra and Varuṇa, aided Sudās, having struck down the Dāsa and the Āryans.

    Stanza 7.83.2

    यत्रा॒ नरः॑ स॒मय॑न्ते कृ॒तध्व॑जो॒ यस्मि॑न्ना॒जा भव॑ति॒ किं च॒न प्रि॒यम् | यत्रा॒ भय॑न्ते॒ भुव॑ना स्व॒र्दृश॒स्तत्रा॑ न इन्द्रावरु॒णाधि॑ वोचतम् ||

    yátrā náraḥ samáyante kr̥tádhvajo yásminn ājā́ bhávati kíṁ caná priyám yátrā bháyante bhúvanā svardŕ̥śas tátrā na indrāvaruṇā́dhi vocatam

    Where men with banners raised gather for battle, in which encounter there is nothing pleasant, where beings fear the sight of the sky, there, O Indra and Varuṇa, speak for us.

    Stanza 7.83.3

    सं भूम्या॒ अन्ता॑ ध्वसि॒रा अ॑दृक्ष॒तेन्द्रा॑वरुणा दि॒वि घोष॒ आरु॑हत् | अस्थु॒र्जना॑ना॒मुप॒ मामरा॑तयो॒ऽर्वागव॑सा हवनश्रु॒ता ग॑तम् ||

    sám bhū́myā ántā dhvasirā́ adr̥kṣaténdrāvaruṇā diví ghóṣa ā́ruhat ásthur jánānām úpa mā́m árātayo 'rvā́g ávasā havanaśrutā́ gatam

    The boundaries of the earth appeared engulfed in dust; O Indra and Varuṇa, a clamor rose to the sky. Hostilities of people have come around me. Come down with your aid, O you who hear calls.

    Stanza 7.83.4

    इन्द्रा॑वरुणा व॒धना॑भिरप्र॒ति भे॒दं व॒न्वन्ता॒ प्र सु॒दास॑मावतम् | ब्रह्मा॑ण्येषां शृणुतं॒ हवी॑मनि स॒त्या तृत्सू॑नामभवत्पु॒रोहि॑तिः ||

    índrāvaruṇā vadhánābhir apratí bhedáṁ vanvántā prá sudā́sam āvatam bráhmāṇy eṣāṁ śr̥ṇutaṁ hávīmani satyā́ tŕ̥tsūnām abhavat puróhitiḥ

    O Indra and Varuṇa, with irresistible weapons, conquering Bheda, you aided Sudās. Hear their prayers; the priestly service of the Tr̥tsus became effective.

    Stanza 7.83.5

    इन्द्रा॑वरुणाव॒भ्या त॑पन्ति मा॒घान्य॒र्यो व॒नुषा॒मरा॑तयः | यु॒वं हि वस्व॑ उ॒भय॑स्य॒ राज॒थोऽध॑ स्मा नोऽवतं॒ पार्ये॑ दि॒वि ||

    índrāvaruṇāv abhy ā́ tapanti māghā́ny aryó vanúṣām árātayaḥ yuváṁ hí vásva ubháyasya rā́jathó 'dha smā no 'vatam pā́rye diví

    O Indra and Varuṇa, wicked acts and the hatred of enemies press upon me. Since you rule over both wealth and possessions, grant us protection on that decisive day.

    Stanza 7.83.6

    यु॒वां ह॑वन्त उ॒भया॑स आ॒जिष्विन्द्रं॑ च॒ वस्वो॒ वरु॑णं च सा॒तये॑ | यत्र॒ राज॑भिर्द॒शभि॒र्निबा॑धितं॒ प्र सु॒दास॒माव॑तं॒ तृत्सु॑भिः स॒ह ||

    yuvā́ṁ havanta ubháyāsa ājíṣv índraṁ ca vásvo váruṇaṁ ca sātáye yátra rā́jabhir daśábhir níbādhitam prá sudā́sam ā́vataṁ tŕ̥tsubhiḥ sahá

    Both sides invoked you two in battles for wealth, O Indra and Varuṇa. You aided Sudās with the Tr̥tsus, when he was pressed by the ten kings.

    Stanza 7.83.7

    दश॒ राजा॑नः॒ समि॑ता॒ अय॑ज्यवः सु॒दास॑मिन्द्रावरुणा॒ न यु॑युधुः | स॒त्या नृ॒णाम॑द्म॒सदा॒मुप॑स्तुतिर्दे॒वा ए॑षामभवन्दे॒वहू॑तिषु ||

    dáśa rā́jānaḥ sámitā áyajyavaḥ sudā́sam indrāvaruṇā ná yuyudhuḥ satyā́ nr̥ṇā́m admasádām úpastutir devā́ eṣām abhavan deváhūtiṣu

    The ten kings, allied and not worshipping, did not fight against Sudās, O Indra and Varuṇa. The praise of the men at the feast was true; the gods favored their invocations.

    Stanza 7.83.8

    दा॒श॒रा॒ज्ञे परि॑यत्ताय वि॒श्वतः॑ सु॒दास॑ इन्द्रावरुणावशिक्षतम् | श्वि॒त्यञ्चो॒ यत्र॒ नम॑सा कप॒र्दिनो॑ धि॒या धीव॑न्तो॒ अस॑पन्त॒ तृत्स॑वः ||

    dāśarājñé páriyattāya viśvátaḥ sudā́sa indrāvaruṇāv aśikṣatam śvityáñco yátra námasā kapardíno dhiyā́ dhī́vanto ásapanta tŕ̥tsavaḥ

    O Indra and Varuṇa, you aided Sudās when surrounded by the ten kings. Where the white-clad Tr̥tsus, with braided hair and skilled in thought, worshipped with homage.

    Stanza 7.83.9

    वृ॒त्राण्य॒न्यः स॑मि॒थेषु॒ जिघ्न॑ते व्र॒तान्य॒न्यो अ॒भि र॑क्षते॒ सदा॑ | हवा॑महे वां वृषणा सुवृ॒क्तिभि॑र॒स्मे इ॑न्द्रावरुणा॒ शर्म॑ यच्छतम् ||

    vr̥trā́ṇy anyáḥ samithéṣu jíghnate vratā́ny anyó abhí rakṣate sádā hávāmahe vāṁ vr̥ṣaṇā suvr̥ktíbhir asmé indrāvaruṇā śárma yachatam

    One slays the Vritras in battle, the other protects the vows. We call on you, O mighty ones, with praise. O Indra and Varuṇa, grant us protection.

    Stanza 7.83.10

    अ॒स्मे इन्द्रो॒ वरु॑णो मि॒त्रो अ॑र्य॒मा द्यु॒म्नं य॑च्छन्तु॒ महि॒ शर्म॑ स॒प्रथः॑ | अ॒व॒ध्रं ज्योति॒रदि॑तेर्ऋता॒वृधो॑ दे॒वस्य॒ श्लोकं॑ सवि॒तुर्म॑नामहे ||

    asmé índro váruṇo mitró aryamā́ dyumnáṁ yachantu máhi śárma sapráthaḥ avadhráṁ jyótir áditer r̥tāvŕ̥dho devásya ślókaṁ savitúr manāmahe

    May Indra, Varuṇa, Mitra, and Aryaman grant us glory and wide protection. We reflect upon the unfailing light of Aditi, supporter of order, and the praise of the god Savitar.

    ← Previous Hymn Next Hymn →