← →

    Stanza 7.58.1

    प्र सा॑क॒मुक्षे॑ अर्चता ग॒णाय॒ यो दैव्य॑स्य॒ धाम्न॒स्तुवि॑ष्मान् | उ॒त क्षो॑दन्ति॒ रोद॑सी महि॒त्वा नक्ष॑न्ते॒ नाकं॒ निर्ऋ॑तेरवं॒शात् ||

    prá sākamúkṣe arcatā gaṇā́ya yó daívyasya dhā́mnas túviṣmān utá kṣodanti ródasī mahitvā́ nákṣante nā́kaṁ nírr̥ter avaṁśā́t

    Sing to the group that showers rain together, to the mighty host of the divine. They shake the heavens and the earth with their greatness, and reach for the sky from the depths of destruction.

    Stanza 7.58.2

    ज॒नूश्चि॑द्वो मरुतस्त्वे॒ष्ये॑ण॒ भीमा॑स॒स्तुवि॑मन्य॒वोऽया॑सः | प्र ये महो॑भि॒रोज॑सो॒त सन्ति॒ विश्वो॑ वो॒ याम॑न्भयते स्व॒र्दृक् ||

    janū́ś cid vo marutas tveṣyèṇa bhī́māsas túvimanyavó 'yāsaḥ prá yé máhobhir ójasotá sánti víśvo vo yā́man bhayate svardŕ̥k

    Even your birth, O Maruts, was with fiery power; you are fearsome, wrathful, and tireless. You stand forth with great might and strength; everyone who sees the sun fears your arrival.

    Stanza 7.58.3

    बृ॒हद्वयो॑ म॒घव॑द्भ्यो दधात॒ जुजो॑ष॒न्निन्म॒रुतः॑ सुष्टु॒तिं नः॑ | ग॒तो नाध्वा॒ वि ति॑राति ज॒न्तुं प्र णः॑ स्पा॒र्हाभि॑रू॒तिभि॑स्तिरेत ||

    br̥hád váyo maghávadbhyo dadhāta jújoṣann ín marútaḥ suṣṭutíṁ naḥ gató nā́dhvā ví tirāti jantúm prá ṇa spārhā́bhir ūtíbhis tireta

    Grant ample strength and vitality to our lords, if the Maruts are pleased with our good praise. As a travelled path helps a person forward, may they help us; may they protect us with their desirable succors.

    Stanza 7.58.4

    यु॒ष्मोतो॒ विप्रो॑ मरुतः शत॒स्वी यु॒ष्मोतो॒ अर्वा॒ सहु॑रिः सह॒स्री | यु॒ष्मोतः॑ स॒म्राळु॒त ह॑न्ति वृ॒त्रं प्र तद्वो॑ अस्तु धूतयो दे॒ष्णम् ||

    yuṣmóto vípro marutaḥ śatasvī́ yuṣmóto árvā sáhuriḥ sahasrī́ yuṣmótaḥ samrā́ḷ utá hanti vr̥trám prá tád vo astu dhūtayo deṣṇám

    Favored by you, O Maruts, a wise person gains a hundred; favored by you, a swift steed wins a thousand; favored by you, even a king kills his enemy. May that gift of yours, O shakers, prevail.

    Stanza 7.58.5

    ताँ आ रु॒द्रस्य॑ मी॒ळ्हुषो॑ विवासे कु॒विन्नंस॑न्ते म॒रुतः॒ पुन॑र्नः | यत्स॒स्वर्ता॑ जिहीळि॒रे यदा॒विरव॒ तदेन॑ ईमहे तु॒राणा॑म् ||

    tā́m̐ ā́ rudrásya mīḷhúṣo vivāse kuvín náṁsante marútaḥ púnar naḥ yát sasvártā jihīḷiré yád āvír áva tád éna īmahe turā́ṇām

    I call upon these generous sons of Rudra; will the Maruts not turn to us again? Whatever they disliked, secretly or openly, that fault we pray the swift ones to forgive.

    Stanza 7.58.6

    प्र सा वा॑चि सुष्टु॒तिर्म॒घोना॑मि॒दं सू॒क्तं म॒रुतो॑ जुषन्त | आ॒राच्चि॒द्द्वेषो॑ वृषणो युयोत यू॒यं पा॑त स्व॒स्तिभिः॒ सदा॑ नः ||

    prá sā́ vāci suṣṭutír maghónām idáṁ sūktám marúto juṣanta ārā́c cid dvéṣo vr̥ṣaṇo yuyota yūyám pāta svastíbhiḥ sádā naḥ

    This praise of the mighty ones has been spoken; may the Maruts accept this hymn. O strong ones, keep hatred far from us; always protect us with well-being.

    ← Previous Hymn Next Hymn →