← →

    Stanza 7.51.1

    आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शंत॑मेन | अ॒ना॒गा॒स्त्वे अ॑दिति॒त्वे तु॒रास॑ इ॒मं य॒ज्ञं द॑धतु॒ श्रोष॑माणाः ||

    ādityā́nām ávasā nū́tanena sakṣīmáhi śármaṇā śáṁtamena anāgāstvé adititvé turā́sa imáṁ yajñáṁ dadhatu śróṣamāṇāḥ

    With the help and most excellent protection of the Adityas, may we achieve success. May these powerful deities, listening attentively, uphold this sacrifice, keeping us free from sin and fault.

    Stanza 7.51.2

    आ॒दि॒त्यासो॒ अदि॑तिर्मादयन्तां मि॒त्रो अ॑र्य॒मा वरु॑णो॒ रजि॑ष्ठाः | अ॒स्माकं॑ सन्तु॒ भुव॑नस्य गो॒पाः पिब॑न्तु॒ सोम॒मव॑से नो अ॒द्य ||

    ādityā́so áditir mādayantām mitró aryamā́ váruṇo rájiṣṭhāḥ asmā́kaṁ santu bhúvanasya gopā́ḥ píbantu sómam ávase no adyá

    May the Adityas and Aditi be joyful. May Mitra, Aryaman, and Varuna, the most righteous, be our protectors of the world. May they drink the Soma offering for our benefit today.

    Stanza 7.51.3

    आ॒दि॒त्या विश्वे॑ म॒रुत॑श्च॒ विश्वे॑ दे॒वाश्च॒ विश्व॑ ऋ॒भव॑श्च॒ विश्वे॑ | इन्द्रो॑ अ॒ग्निर॒श्विना॑ तुष्टुवा॒ना यू॒यं पा॑त स्व॒स्तिभिः॒ सदा॑ नः ||

    ādityā́ víśve marútaś ca víśve devā́ś ca víśva r̥bhávaś ca víśve índro agnír aśvínā tuṣṭuvānā́ yūyám pāta svastíbhiḥ sádā naḥ

    O Adityas, Universal Gods, Maruts, Rhibus, Indra, Agni, and Ashvins, who have been praised, may you all protect us with blessings forever.

    ← Previous Hymn Next Hymn →