← →

    Stanza 7.47.1

    आपो॒ यं वः॑ प्रथ॒मं दे॑व॒यन्त॑ इन्द्र॒पान॑मू॒र्मिमकृ॑ण्वते॒ळः | तं वो॑ व॒यं शुचि॑मरि॒प्रम॒द्य घृ॑त॒प्रुषं॒ मधु॑मन्तं वनेम ||

    ā́po yáṁ vaḥ prathamáṁ devayánta indrapā́nam ūrmím ákr̥ṇvateḷáḥ táṁ vo vayáṁ śúcim ariprám adyá ghr̥taprúṣam mádhumantaṁ vanema

    O Waters, we today wish to obtain from you that pure, abundant wave which the devout once prepared as Indra's drink. We, who worship the divine, want to cultivate this pure, flowing, ghee-like, and sweet stream.

    Stanza 7.47.2

    तमू॒र्मिमा॑पो॒ मधु॑मत्तमं वो॒ऽपां नपा॑दवत्वाशु॒हेमा॑ | यस्मि॒न्निन्द्रो॒ वसु॑भिर्मा॒दया॑ते॒ तम॑श्याम देव॒यन्तो॑ वो अ॒द्य ||

    tám ūrmím āpo mádhumattamaṁ vo 'pā́ṁ nápād avatv āśuhémā yásminn índro vásubhir mādáyāte tám aśyāma devayánto vo adyá

    May that stream, O Waters, the sweetest for you, which the swift-moving offspring of the waters protects, and in which Indra rejoices with the Vasus, may we who worship the divine, obtain it today.

    Stanza 7.47.3

    श॒तप॑वित्राः स्व॒धया॒ मद॑न्तीर्दे॒वीर्दे॒वाना॒मपि॑ यन्ति॒ पाथः॑ | ता इन्द्र॑स्य॒ न मि॑नन्ति व्र॒तानि॒ सिन्धु॑भ्यो ह॒व्यं घृ॒तव॑ज्जुहोत ||

    śatápavitrāḥ svadháyā mádantīr devī́r devā́nām ápi yanti pā́thaḥ tā́ índrasya ná minanti vratā́ni síndhubhyo havyáṁ ghr̥távaj juhota

    Joyful in their own power, the all-purifying goddess-waters move towards the divine sustenance. They do not violate Indra's ordinances. Offer the ghee-laden oblation to the rivers.

    Stanza 7.47.4

    याः सूर्यो॑ र॒श्मिभि॑रात॒तान॒ याभ्य॒ इन्द्रो॒ अर॑दद्गा॒तुमू॒र्मिम् | ते सि॑न्धवो॒ वरि॑वो धातना नो यू॒यं पा॑त स्व॒स्तिभिः॒ सदा॑ नः ||

    yā́ḥ sū́ryo raśmíbhir ātatā́na yā́bhya índro áradad gātúm ūrmím té sindhavo várivo dhātanā no yūyám pāta svastíbhiḥ sádā naḥ

    O Streams, whom Surya has extended with his rays, and for whom Indra dug a path, may you grant us ample room and freedom. Always protect us with blessings.

    ← Previous Hymn Next Hymn →