← →

    Stanza 6.67.1

    विश्वे॑षां वः स॒तां ज्येष्ठ॑तमा गी॒र्भिर्मि॒त्रावरु॑णा वावृ॒धध्यै॑ | सं या र॒श्मेव॑ य॒मतु॒र्यमि॑ष्ठा॒ द्वा जनाँ॒ अस॑मा बा॒हुभिः॒ स्वैः ||

    víśveṣāṁ vaḥ satā́ṁ jyéṣṭhatamā gīrbhír mitrā́váruṇā vāvr̥dhádhyai sáṁ yā́ raśméva yamátur yámiṣṭhā dvā́ jánām̐ ásamā bāhúbhiḥ svaíḥ

    O Mitra and Varuṇa, we will praise you, the most excellent of all who exist, with our songs. You two, who, like reins in the hands of a charioteer, perfectly control and guide, possess unmatched strength with your arms to manage the people.

    Stanza 6.67.2

    इ॒यं मद्वां॒ प्र स्तृ॑णीते मनी॒षोप॑ प्रि॒या नम॑सा ब॒र्हिरच्छ॑ | य॒न्तं नो॑ मित्रावरुणा॒वधृ॑ष्टं छ॒र्दिर्यद्वां॑ वरू॒थ्यं॑ सुदानू ||

    iyám mád vām prá str̥ṇīte manīṣópa priyā́ námasā barhír ácha yantáṁ no mitrāvaruṇāv ádhr̥ṣṭaṁ chardír yád vāṁ varūthyàṁ sudānū

    This my thought spreads out towards you, O Mitra and Varuṇa, towards the sacred grass, with reverence and devotion. Come to us, O bestowers of gifts, and grant us a shelter that cannot be attacked, a refuge that you will protect.

    Stanza 6.67.3

    आ या॑तं मित्रावरुणा सुश॒स्त्युप॑ प्रि॒या नम॑सा हू॒यमा॑ना | सं याव॑प्नः॒स्थो अ॒पसे॑व॒ जना॑ञ्छ्रुधीय॒तश्चि॑द्यतथो महि॒त्वा ||

    ā́ yātam mitrāvaruṇā suśasty úpa priyā́ námasā hūyámānā sáṁ yā́v apna sthó apáseva jánāñ chrudhīyatáś cid yatatho mahitvā́

    O Mitra and Varuṇa, come here invited by excellent hymns and beloved reverence. You who are attentive, as if by work, you urge on even those who quickly hear, to exert yourselves with your greatness.

    Stanza 6.67.4

    अश्वा॒ न या वा॒जिना॑ पू॒तब॑न्धू ऋ॒ता यद्गर्भ॒मदि॑ति॒र्भर॑ध्यै | प्र या महि॑ म॒हान्ता॒ जाय॑माना घो॒रा मर्ता॑य रि॒पवे॒ नि दी॑धः ||

    áśvā ná yā́ vājínā pūtábandhū r̥tā́ yád gárbham áditir bháradhyai prá yā́ máhi mahā́ntā jā́yamānā ghorā́ mártāya ripáve ní dīdhaḥ

    Like two swift and vigorous horses, of pure origin, whom Aditi bore in due season. You two, mighty at your birth, established in greatness, brought forth terrible forms against the mortal foe.

    Stanza 6.67.5

    विश्वे॒ यद्वां॑ मं॒हना॒ मन्द॑मानाः क्ष॒त्रं दे॒वासो॒ अद॑धुः स॒जोषाः॑ | परि॒ यद्भू॒थो रोद॑सी चिदु॒र्वी सन्ति॒ स्पशो॒ अद॑ब्धासो॒ अमू॑राः ||

    víśve yád vām maṁhánā mándamānāḥ kṣatráṁ devā́so ádadhuḥ sajóṣāḥ pári yád bhūthó ródasī cid urvī́ sánti spáśo ádabdhāso ámūrāḥ

    When all the gods, in joyful harmony, established your dominion. When you two embrace both spacious worlds, your spies are alert and never fallible.

    Stanza 6.67.6

    ता हि क्ष॒त्रं धा॒रये॑थे॒ अनु॒ द्यून्दृं॒हेथे॒ सानु॑मुप॒मादि॑व॒ द्योः | दृ॒ळ्हो नक्ष॑त्र उ॒त वि॒श्वदे॑वो॒ भूमि॒माता॒न्द्यां धा॒सिना॒योः ||

    tā́ hí kṣatráṁ dhāráyethe ánu dyū́n dr̥ṁhéthe sā́num upamā́d iva dyóḥ dr̥ḷhó nákṣatra utá viśvádevo bhū́mim ā́tān dyā́ṁ dhāsínāyóḥ

    For you two sustain dominion through the days, you support the heights like the highest heaven. Like a firm star among all gods, you fill the earth and heaven with food.

    Stanza 6.67.7

    ता वि॒ग्रं धै॑थे ज॒ठरं॑ पृ॒णध्या॒ आ यत्सद्म॒ सभृ॑तयः पृ॒णन्ति॑ | न मृ॑ष्यन्ते युव॒तयोऽवा॑ता॒ वि यत्पयो॑ विश्वजिन्वा॒ भर॑न्ते ||

    tā́ vigráṁ dhaithe jaṭháram pr̥ṇádhyā ā́ yát sádma sábhr̥tayaḥ pr̥ṇánti ná mr̥ṣyante yuvatáyó 'vātā ví yát páyo viśvajinvā bhárante

    O you two, take the strong drink and fill your bellies, when your attendants fill the dwelling. The young women do not disregard (you), when, quickeners of all, they distribute nourishment.

    Stanza 6.67.8

    ता जि॒ह्वया॒ सद॒मेदं सु॑मे॒धा आ यद्वां॑ स॒त्यो अ॑र॒तिर्ऋ॒ते भूत् | तद्वां॑ महि॒त्वं घृ॑तान्नावस्तु यु॒वं दा॒शुषे॒ वि च॑यिष्ट॒मंहः॑ ||

    tā́ jihváyā sádam édáṁ sumedhā́ ā́ yád vāṁ satyó aratír r̥té bhū́t tád vām mahitváṁ ghr̥tānnāv astu yuváṁ dāśúṣe ví cayiṣṭam áṁhaḥ

    With your tongue, O wise ones, come together to this place. When your truthful envoy, with wisdom, has arrived in order. O you two with ghee as your nourishment, may your greatness exist. Annihilate trouble for the worshipper.

    Stanza 6.67.9

    प्र यद्वां॑ मित्रावरुणा स्पू॒र्धन्प्रि॒या धाम॑ यु॒वधि॑ता मि॒नन्ति॑ | न ये दे॒वास॒ ओह॑सा॒ न मर्ता॒ अय॑ज्ञसाचो॒ अप्यो॒ न पु॒त्राः ||

    prá yád vām mitrāvaruṇā spūrdhán priyā́ dhā́ma yuvádhitā minánti ná yé devā́sa óhasā ná mártā áyajñasāco ápyo ná putrā́ḥ

    O Mitra and Varuṇa, when they strive against you and break the beloved laws you have established. Those, neither gods nor men, like sons of Api, do not participate in sacrifices.

    Stanza 6.67.10

    वि यद्वाचं॑ की॒स्तासो॒ भर॑न्ते॒ शंस॑न्ति॒ के चि॑न्नि॒विदो॑ मना॒नाः | आद्वां॑ ब्रवाम स॒त्यान्यु॒क्था नकि॑र्दे॒वेभि॑र्यतथो महि॒त्वा ||

    ví yád vā́caṁ kīstā́so bhárante śáṁsanti ké cin nivído manānā́ḥ ā́d vām bravāma satyā́ny ukthā́ nákir devébhir yatatho mahitvā́

    When singers raise their voices and some, with understanding, chant the sacred formulas. Then, may we speak truthful words to you. Do you not rival the gods in greatness?

    Stanza 6.67.11

    अ॒वोरि॒त्था वां॑ छ॒र्दिषो॑ अ॒भिष्टौ॑ यु॒वोर्मि॑त्रावरुणा॒वस्कृ॑धोयु | अनु॒ यद्गावः॑ स्फु॒रानृ॑जि॒प्यं धृ॒ष्णुं यद्रणे॒ वृष॑णं यु॒नज॑न् ||

    avór itthā́ vāṁ chardíṣo abhíṣṭau yuvór mitrāvaruṇāv áskr̥dhoyu ánu yád gā́va sphurā́n r̥jipyáṁ dhr̥ṣṇúṁ yád ráṇe vŕ̥ṣaṇaṁ yunájan

    O Mitra and Varuṇa, may your abundant protection come to us. When the cows approach, and when you harness the swift, powerful horse for the battle.

    ← Previous Hymn Next Hymn →