← →

    Stanza 5.43.1

    आ धे॒नवः॒ पय॑सा॒ तूर्ण्य॑र्था॒ अम॑र्धन्ती॒रुप॑ नो यन्तु॒ मध्वा॑ | म॒हो रा॒ये बृ॑ह॒तीः स॒प्त विप्रो॑ मयो॒भुवो॑ जरि॒ता जो॑हवीति ||

    ā́ dhenávaḥ páyasā tū́rṇyarthā ámardhantīr úpa no yantu mádhvā mahó rāyé br̥hatī́ḥ saptá vípro mayobhúvo jaritā́ johavīti

    May the cows, full of milk and eager, come to us harmlessly with sweetness. For great wealth, the singer, praising, calls upon the seven mighty, joy-bringing ones.

    Stanza 5.43.2

    आ सु॑ष्टु॒ती नम॑सा वर्त॒यध्यै॒ द्यावा॒ वाजा॑य पृथि॒वी अमृ॑ध्रे | पि॒ता मा॒ता मधु॑वचाः सु॒हस्ता॒ भरे॑भरे नो य॒शसा॑वविष्टाम् ||

    ā́ suṣṭutī́ námasā vartayádhyai dyā́vā vā́jāya pr̥thivī́ ámr̥dhre pitā́ mātā́ mádhuvacāḥ suhástā bháre-bhare no yaśásāv aviṣṭām

    With good praise and reverence, may Heaven and Earth come for strength. Father and Mother, sweet of speech and fair-handed, may they protect us in every struggle.

    Stanza 5.43.3

    अध्व॑र्यवश्चकृ॒वांसो॒ मधू॑नि॒ प्र वा॒यवे॑ भरत॒ चारु॑ शु॒क्रम् | होते॑व नः प्रथ॒मः पा॑ह्य॒स्य देव॒ मध्वो॑ ररि॒मा ते॒ मदा॑य ||

    ádhvaryavaś cakr̥vā́ṁso mádhūni prá vāyáve bharata cā́ru śukrám hóteva naḥ prathamáḥ pāhy asyá déva mádhvo rarimā́ te mádāya

    O Adhvaryus, having prepared the sweet libations, bring pure and bright Soma to Vayu. O God, like our priest, drink first; we offer you Soma for your delight.

    Stanza 5.43.4

    दश॒ क्षिपो॑ युञ्जते बा॒हू अद्रिं॒ सोम॑स्य॒ या श॑मि॒तारा॑ सु॒हस्ता॑ | मध्वो॒ रसं॑ सु॒गभ॑स्तिर्गिरि॒ष्ठां चनि॑श्चदद्दुदुहे शु॒क्रमं॒शुः ||

    dáśa kṣípo yuñjate bāhū́ ádriṁ sómasya yā́ śamitā́rā suhástā mádhvo rásaṁ sugábhastir giriṣṭhā́ṁ cániścadad duduhe śukrám aṁśúḥ

    Ten fingers and two arms skillfully join the press-stone for the Soma. The stalk has yielded its bright essence, the mead's juice, which resides on the mountain.

    Stanza 5.43.5

    असा॑वि ते जुजुषा॒णाय॒ सोमः॒ क्रत्वे॒ दक्षा॑य बृह॒ते मदा॑य | हरी॒ रथे॑ सु॒धुरा॒ योगे॑ अ॒र्वागिन्द्र॑ प्रि॒या कृ॑णुहि हू॒यमा॑नः ||

    ásāvi te jujuṣāṇā́ya sómaḥ krátve dákṣāya br̥haté mádāya hárī ráthe sudhúrā yóge arvā́g índra priyā́ kr̥ṇuhi hūyámānaḥ

    Soma has been pressed for you, the enjoyer. For strength, ability, and great joy. O Indra, invoked, turn your chariot here with your two beloved, well-yoked bay horses.

    Stanza 5.43.6

    आ नो॑ म॒हीम॒रम॑तिं स॒जोषा॒ ग्नां दे॒वीं नम॑सा रा॒तह॑व्याम् | मधो॒र्मदा॑य बृह॒तीमृ॑त॒ज्ञामाग्ने॑ वह प॒थिभि॑र्देव॒यानैः॑ ||

    ā́ no mahī́m arámatiṁ sajóṣā gnā́ṁ devī́ṁ námasā rātáhavyām mádhor mádāya br̥hatī́m r̥tajñā́m ā́gne vaha pathíbhir devayā́naiḥ

    O Agni, bring by the paths of the gods the great Aramati, the celestial lady, honored with gifts and homage, who knows the order, who is great and eager for the sweet Soma.

    Stanza 5.43.7

    अ॒ञ्जन्ति॒ यं प्र॒थय॑न्तो॒ न विप्रा॑ व॒पाव॑न्तं॒ नाग्निना॒ तप॑न्तः | पि॒तुर्न पु॒त्र उ॒पसि॒ प्रेष्ठ॒ आ घ॒र्मो अ॒ग्निमृ॒तय॑न्नसादि ||

    añjánti yám pratháyanto ná víprā vapā́vantaṁ nā́gnínā tápantaḥ pitúr ná putrá upási préṣṭha ā́ gharmó agním r̥táyann asādi

    The singers adorn it, not heating it with fire, like a father's beloved child. Near the fire, the sacred vessel, gleaming, is placed.

    Stanza 5.43.8

    अच्छा॑ म॒ही बृ॑ह॒ती शंत॑मा॒ गीर्दू॒तो न ग॑न्त्व॒श्विना॑ हु॒वध्यै॑ | म॒यो॒भुवा॑ स॒रथा या॑तम॒र्वाग्ग॒न्तं नि॒धिं धुर॑मा॒णिर्न नाभि॑म् ||

    áchā mahī́ br̥hatī́ śáṁtamā gī́r dūtó ná gantv aśvínā huvádhyai mayobhúvā saráthā́ yātam arvā́g gantáṁ nidhíṁ dhúram āṇír ná nā́bhim

    Hither come the great, excellent songs like messengers to invite the Ashvins. Joy-givers, come in one chariot! Like a bolt, come hither to the joint.

    Stanza 5.43.9

    प्र तव्य॑सो॒ नम॑उक्तिं तु॒रस्या॒हं पू॒ष्ण उ॒त वा॒योर॑दिक्षि | या राध॑सा चोदि॒तारा॑ मती॒नां या वाज॑स्य द्रविणो॒दा उ॒त त्मन् ||

    prá távyaso náma .uktiṁ turásyāhám pūṣṇá utá vāyór adikṣi yā́ rā́dhasā coditā́rā matīnā́ṁ yā́ vā́jasya draviṇodā́ utá tmán

    I have spoken this word of praise to the mighty Pushan and the swift Vayu. They, with their gifts, inspire thoughts and also bestow wealth.

    Stanza 5.43.10

    आ नाम॑भिर्म॒रुतो॑ वक्षि॒ विश्वा॒ना रू॒पेभि॑र्जातवेदो हुवा॒नः | य॒ज्ञं गिरो॑ जरि॒तुः सु॑ष्टु॒तिं च॒ विश्वे॑ गन्त मरुतो॒ विश्व॑ ऊ॒ती ||

    ā́ nā́mabhir marúto vakṣi víśvān ā́ rūpébhir jātavedo huvānáḥ yajñáṁ gíro jaritúḥ suṣṭutíṁ ca víśve ganta maruto víśva ūtī́

    O Jātavedas, by names and forms, bring the Maruts. Come to the sacrifice, songs, and praise of the singer, O all Maruts, with all protection.

    Stanza 5.43.11

    आ नो॑ दि॒वो बृ॑ह॒तः पर्व॑ता॒दा सर॑स्वती यज॒ता ग॑न्तु य॒ज्ञम् | हवं॑ दे॒वी जु॑जुषा॒णा घृ॒ताची॑ श॒ग्मां नो॒ वाच॑मुश॒ती शृ॑णोतु ||

    ā́ no divó br̥hatáḥ párvatād ā́ sárasvatī yajatā́ gantu yajñám hávaṁ devī́ jujuṣāṇā́ ghr̥tā́cī śagmā́ṁ no vā́cam uśatī́ śr̥ṇotu

    May Sarasvati, the holy one, come from great heaven and from the mountain to our sacrifice. May the gracious goddess, pleased, hear our valuable speech and invocation.

    Stanza 5.43.12

    आ वे॒धसं॒ नील॑पृष्ठं बृ॒हन्तं॒ बृह॒स्पतिं॒ सद॑ने सादयध्वम् | सा॒दद्यो॑निं॒ दम॒ आ दी॑दि॒वांसं॒ हिर॑ण्यवर्णमरु॒षं स॑पेम ||

    ā́ vedhásaṁ nī́lapŕ̥ṣṭham br̥hántam bŕ̥haspátiṁ sádane sādayadhvam sādádyoniṁ dáma ā́ dīdivā́ṁsaṁ híraṇyavarṇam aruṣáṁ sapema

    O worshippers, place the great Brihaspati, the disposer with the dark back, in his seat. May we serve him, shining brightly, golden-hued, and red.

    Stanza 5.43.13

    आ ध॑र्ण॒सिर्बृ॒हद्दि॑वो॒ ररा॑णो॒ विश्वे॑भिर्ग॒न्त्वोम॑भिर्हुवा॒नः | ग्ना वसा॑न॒ ओष॑धी॒रमृ॑ध्रस्त्रि॒धातु॑शृङ्गो वृष॒भो व॑यो॒धाः ||

    ā́ dharṇasír br̥háddivo rárāṇo víśvebhir gantv ómabhir huvānáḥ gnā́ vásāna óṣadhīr ámr̥dhras tridhā́tuśr̥ṅgo vr̥ṣabhó vayodhā́ḥ

    May the Sustainer, generous in high heaven, come with all his favors. Dwelling with goddesses and plants, tireless, the bull with three horns, life-giver.

    Stanza 5.43.14

    मा॒तुष्प॒दे प॑र॒मे शु॒क्र आ॒योर्वि॑प॒न्यवो॑ रास्पि॒रासो॑ अग्मन् | सु॒शेव्यं॒ नम॑सा रा॒तह॑व्याः॒ शिशुं॑ मृजन्त्या॒यवो॒ न वा॒से ||

    mātúṣ padé paramé śukrá āyór vipanyávo rāspirā́so agman suśévyaṁ námasā rātáhavyāḥ śíśum mr̥janty āyávo ná vāsé

    The eloquent ones approached the highest, pure place of the eternal. Like people dressing a child, they purify the auspicious one with offered gifts.

    Stanza 5.43.15

    बृ॒हद्वयो॑ बृह॒ते तुभ्य॑मग्ने धिया॒जुरो॑ मिथु॒नासः॑ सचन्त | दे॒वोदे॑वः सु॒हवो॑ भूतु॒ मह्यं॒ मा नो॑ मा॒ता पृ॑थि॒वी दु॑र्म॒तौ धा॑त् ||

    br̥hád váyo br̥haté túbhyam agne dhiyājúro mithunā́saḥ sacanta devó-devaḥ suhávo bhūtu máhyam mā́ no mātā́ pr̥thivī́ durmataú dhāt

    O Agni, great power is yours. Dedicated worshippers approach you. May every god be easily invoked for me, and may Mother Earth not place me in misfortune.

    Stanza 5.43.16

    उ॒रौ दे॑वा अनिबा॒धे स्या॑म ||

    uraú devā anibādhé syāma

    O Gods, may we exist in broad, unhindered space.

    Stanza 5.43.17

    सम॒श्विनो॒रव॑सा॒ नूत॑नेन मयो॒भुवा॑ सु॒प्रणी॑ती गमेम | आ नो॑ र॒यिं व॑हत॒मोत वी॒राना विश्वा॑न्यमृता॒ सौभ॑गानि ||

    sám aśvínor ávasā nū́tanena mayobhúvā supráṇītī gamema ā́ no rayíṁ vahatam ótá vīrā́n ā́ víśvāny amr̥tā saúbhagāni

    May we obtain the Ashvins' newest help and their joyful, good guidance. O immortals, bring us riches, heroes, and all good fortune.

    ← Previous Hymn Next Hymn →