← →

    Stanza 4.58.1

    स॒मु॒द्रादू॒र्मिर्मधु॑माँ॒ उदा॑र॒दुपां॒शुना॒ सम॑मृत॒त्वमा॑नट् | घृ॒तस्य॒ नाम॒ गुह्यं॒ यदस्ति॑ जि॒ह्वा दे॒वाना॑म॒मृत॑स्य॒ नाभिः॑ ||

    samudrā́d ūrmír mádhumām̐ úd ārad úpāṁśúnā sám amr̥tatvám ānaṭ ghr̥tásya nā́ma gúhyaṁ yád ásti jihvā́ devā́nām amŕ̥tasya nā́bhiḥ

    From the ocean, the honeyed wave arose; with the Soma-drink, it attained immortality. This is the hidden name of Ghr̥ta, which is the tongue of the gods, the very navel of immortality.

    Stanza 4.58.2

    व॒यं नाम॒ प्र ब्र॑वामा घृ॒तस्या॒स्मिन्य॒ज्ञे धा॑रयामा॒ नमो॑भिः | उप॑ ब्र॒ह्मा शृ॑णवच्छ॒स्यमा॑नं॒ चतुः॑शृङ्गोऽवमीद्गौ॒र ए॒तत् ||

    vayáṁ nā́ma prá bravāmā ghr̥tásyāsmín yajñé dhārayāmā námobhiḥ úpa brahmā́ śr̥ṇavac chasyámānaṁ cátuḥśr̥ṅgo 'vamīd gaurá etát

    We shall declare the name of Ghr̥ta, and at this sacrifice, we shall uphold it with reverence. May the priest hear our chanting. Like a four-horned bull, it has appeared.

    Stanza 4.58.3

    च॒त्वारि॒ शृङ्गा॒ त्रयो॑ अस्य॒ पादा॒ द्वे शी॒र्षे स॒प्त हस्ता॑सो अस्य | त्रिधा॑ ब॒द्धो वृ॑ष॒भो रो॑रवीति म॒हो दे॒वो मर्त्याँ॒ आ वि॑वेश ||

    catvā́ri śŕ̥ṅgā tráyo asya pā́dā dvé śīrṣé saptá hástāso asya trídhā baddhó vr̥ṣabhó roravīti mahó devó mártyām̐ ā́ viveśa

    Four horns has it, three are its feet, two heads and seven hands belong to it. Bound threefold, the bull roars loudly; the great god has entered mortals.

    Stanza 4.58.4

    त्रिधा॑ हि॒तं प॒णिभि॑र्गु॒ह्यमा॑नं॒ गवि॑ दे॒वासो॑ घृ॒तमन्व॑विन्दन् | इन्द्र॒ एकं॒ सूर्य॒ एकं॑ जजान वे॒नादेकं॑ स्व॒धया॒ निष्ट॑तक्षुः ||

    trídhā hitám paṇíbhir guhyámānaṁ gávi devā́so ghr̥tám ánv avindan índra ékaṁ sū́rya ékaṁ jajāna venā́d ékaṁ svadháyā níṣ ṭatakṣuḥ

    The gods found Ghr̥ta, hidden in three ways within the cow, concealed by the Paṇis. Indra produced one form, Surya one, and Vena fashioned the third by his own power.

    Stanza 4.58.5

    ए॒ता अ॑र्षन्ति॒ हृद्या॑त्समु॒द्राच्छ॒तव्र॑जा रि॒पुणा॒ नाव॒चक्षे॑ | घृ॒तस्य॒ धारा॑ अ॒भि चा॑कशीमि हिर॒ण्ययो॑ वेत॒सो मध्य॑ आसाम् ||

    etā́ arṣanti hŕ̥dyāt samudrā́c chatávrajā ripúṇā nā́vacákṣe ghr̥tásya dhā́rā abhí cākaśīmi hiraṇyáyo vetasó mádhya āsām

    These flow in countless channels from the inner ocean, unseen by the foe. I observe the streams of Ghr̥ta, and a golden reed is among them.

    Stanza 4.58.6

    स॒म्यक्स्र॑वन्ति स॒रितो॒ न धेना॑ अ॒न्तर्हृ॒दा मन॑सा पू॒यमा॑नाः | ए॒ते अ॑र्षन्त्यू॒र्मयो॑ घृ॒तस्य॑ मृ॒गा इ॑व क्षिप॒णोरीष॑माणाः ||

    samyák sravanti saríto ná dhénā antár hr̥dā́ mánasā pūyámānāḥ eté arṣanty ūrmáyo ghr̥tásya mr̥gā́ iva kṣipaṇór ī́ṣamāṇāḥ

    Like rivers, they flow together, purifying themselves in heart and mind. These streams of Ghr̥ta flow like animals quickly moving.

    Stanza 4.58.7

    सिन्धो॑रिव प्राध्व॒ने शू॑घ॒नासो॒ वात॑प्रमियः पतयन्ति य॒ह्वाः | घृ॒तस्य॒ धारा॑ अरु॒षो न वा॒जी काष्ठा॑ भि॒न्दन्नू॒र्मिभिः॒ पिन्व॑मानः ||

    síndhor iva prādhvané śūghanā́so vā́tapramiyaḥ patayanti yahvā́ḥ ghr̥tásya dhā́rā aruṣó ná vājī́ kā́ṣṭhā bhindánn ūrmíbhiḥ pínvamānaḥ

    Like rivers in rapids, swift currents move faster than the wind. The streams of Ghr̥ta, like a red courser, break through the barriers, filling all.

    Stanza 4.58.8

    अ॒भि प्र॑वन्त॒ सम॑नेव॒ योषाः॑ कल्या॒ण्य१॒॑ः स्मय॑मानासो अ॒ग्निम् | घृ॒तस्य॒ धाराः॑ स॒मिधो॑ नसन्त॒ ता जु॑षा॒णो ह॑र्यति जा॒तवे॑दाः ||

    abhí pravanta sámaneva yóṣāḥ kalyāṇyàḥ smáyamānāso agním ghr̥tásya dhā́rāḥ samídho nasanta tā́ juṣāṇó haryati jātávedāḥ

    Like women at a gathering, smiling, they flow towards Agni. The streams of Ghr̥ta reach the fuel, and Jātavedas joyfully accepts them.

    Stanza 4.58.9

    क॒न्या॑ इव वह॒तुमेत॒वा उ॑ अ॒ञ्ज्य॑ञ्जा॒ना अ॒भि चा॑कशीमि | यत्र॒ सोमः॑ सू॒यते॒ यत्र॑ य॒ज्ञो घृ॒तस्य॒ धारा॑ अ॒भि तत्प॑वन्ते ||

    kanyāā̀ iva vahatúm étavā́ u añjy àñjānā́ abhí cākaśīmi yátra sómaḥ sūyáte yátra yajñó ghr̥tásya dhā́rā abhí tát pavante

    Like maidens preparing for a wedding, I see them adorned. Where Soma is pressed and the sacrifice is made ready, the streams of Ghr̥ta flow there.

    Stanza 4.58.10

    अ॒भ्य॑र्षत सुष्टु॒तिं गव्य॑मा॒जिम॒स्मासु॑ भ॒द्रा द्रवि॑णानि धत्त | इ॒मं य॒ज्ञं न॑यत दे॒वता॑ नो घृ॒तस्य॒ धारा॒ मधु॑मत्पवन्ते ||

    abhy àrṣata suṣṭutíṁ gávyam ājím asmā́su bhadrā́ dráviṇāni dhatta imáṁ yajñáṁ nayata devátā no ghr̥tásya dhā́rā mádhumat pavante

    Send to our praise a herd of cattle, bestow excellent riches upon us. Carry this sacrifice to the gods; the streams of Ghr̥ta flow with sweetness.

    Stanza 4.58.11

    धाम॑न्ते॒ विश्वं॒ भुव॑न॒मधि॑ श्रि॒तम॒न्तः स॑मु॒द्रे हृ॒द्य१॒॑न्तरायु॑षि | अ॒पामनी॑के समि॒थे य आभृ॑त॒स्तम॑श्याम॒ मधु॑मन्तं त ऊ॒र्मिम् ||

    dhā́man te víśvam bhúvanam ádhi śritám antáḥ samudré hr̥dy àntár ā́yuṣi apā́m ánīke samithé yá ā́bhr̥tas tám aśyāma mádhumantaṁ ta ūrmím

    The whole world rests upon your power, within the ocean, within the heart, within all life. May we attain your sweet wave, which is brought together on the waters.

    ← Previous Hymn Next Hymn →