← →

    Stanza 2.16.1

    प्र वः॑ स॒तां ज्येष्ठ॑तमाय सुष्टु॒तिम॒ग्नावि॑व समिधा॒ने ह॒विर्भ॑रे | इन्द्र॑मजु॒र्यं ज॒रय॑न्तमुक्षि॒तं स॒नाद्युवा॑न॒मव॑से हवामहे ||

    prá vaḥ satā́ṁ jyéṣṭhatamāya suṣṭutím agnā́v iva samidhāné havír bhare índram ajuryáṁ jaráyantam ukṣitáṁ sanā́d yúvānam ávase havāmahe

    We bring our best praise to you, Indra, like an offering in a well-kindled fire. We call on you for help, the unchanging, ever-young, who strengthens all.

    Stanza 2.16.2

    यस्मा॒दिन्द्रा॑द्बृह॒तः किं च॒नेमृ॒ते विश्वा॑न्यस्मि॒न्त्सम्भृ॒ताधि॑ वी॒र्या॑ | ज॒ठरे॒ सोमं॑ त॒न्वी॒३॒॑ सहो॒ महो॒ हस्ते॒ वज्रं॒ भर॑ति शी॒र्षणि॒ क्रतु॑म् ||

    yásmād índrād br̥hatáḥ kíṁ caném r̥té víśvāny asmin sámbhr̥tā́dhi vīryāā̀ jaṭháre sómaṁ tanvīā̀ sáho máho háste vájram bhárati śīrṣáṇi krátum

    Without Indra, the great one, nothing exists. All powers are gathered in him. He holds Soma in his belly, vast strength, the thunderbolt in his hand, and wisdom in his head.

    Stanza 2.16.3

    न क्षो॒णीभ्यां॑ परि॒भ्वे॑ त इन्द्रि॒यं न स॑मु॒द्रैः पर्व॑तैरिन्द्र ते॒ रथः॑ | न ते॒ वज्र॒मन्व॑श्नोति॒ कश्च॒न यदा॒शुभिः॒ पत॑सि॒ योज॑ना पु॒रु ||

    ná kṣoṇī́bhyām paribhvè ta indriyáṁ ná samudraíḥ párvatair indra te ráthaḥ ná te vájram ánv aśnoti káś caná yád āśúbhiḥ pátasi yójanā purú

    Indra, your power cannot be surpassed by the earth and sky, nor stopped by seas or mountains. No one can match your thunderbolt when you fly swiftly over long distances.

    Stanza 2.16.4

    विश्वे॒ ह्य॑स्मै यज॒ताय॑ धृ॒ष्णवे॒ क्रतुं॒ भर॑न्ति वृष॒भाय॒ सश्च॑ते | वृषा॑ यजस्व ह॒विषा॑ वि॒दुष्ट॑रः॒ पिबे॑न्द्र॒ सोमं॑ वृष॒भेण॑ भा॒नुना॑ ||

    víśve hy àsmai yajatā́ya dhr̥ṣṇáve krátum bháranti vr̥ṣabhā́ya sáścate vŕ̥ṣā yajasva havíṣā vidúṣṭaraḥ píbendra sómaṁ vr̥ṣabhéṇa bhānúnā

    Indeed, all powers serve you, Indra, the bold and mighty one. Worship with offerings, for you are wise and strong. Drink the Soma, Indra, with your radiant strength.

    Stanza 2.16.5

    वृष्णः॒ कोशः॑ पवते॒ मध्व॑ ऊ॒र्मिर्वृ॑ष॒भान्ना॑य वृष॒भाय॒ पात॑वे | वृष॑णाध्व॒र्यू वृ॑ष॒भासो॒ अद्र॑यो॒ वृष॑णं॒ सोमं॑ वृष॒भाय॑ सुष्वति ||

    vŕ̥ṣṇaḥ kóśaḥ pavate mádhva ūrmír vr̥ṣabhā́nnāya vr̥ṣabhā́ya pā́tave vŕ̥ṣaṇādhvaryū́ vr̥ṣabhā́so ádrayo vŕ̥ṣaṇaṁ sómaṁ vr̥ṣabhā́ya suṣvati

    The strong one's cup flows, a wave of sweetness, for the strong to drink. The priests are strong, the pressing stones are strong, everything is strong for the strong Indra.

    Stanza 2.16.6

    वृषा॑ ते॒ वज्र॑ उ॒त ते॒ वृषा॒ रथो॒ वृष॑णा॒ हरी॑ वृष॒भाण्यायु॑धा | वृष्णो॒ मद॑स्य वृषभ॒ त्वमी॑शिष॒ इन्द्र॒ सोम॑स्य वृष॒भस्य॑ तृप्णुहि ||

    vŕ̥ṣā te vájra utá te vŕ̥ṣā rátho vŕ̥ṣaṇā hárī vr̥ṣabhā́ṇy ā́yudhā vŕ̥ṣṇo mádasya vr̥ṣabha tvám īśiṣa índra sómasya vr̥ṣabhásya tr̥pṇuhi

    Your thunderbolt is strong, your chariot is strong, your horses are strong, and your weapons are powerful. Indra, you are the master of the strong Soma drink. Be satisfied, Indra, with the potent Soma!

    Stanza 2.16.7

    प्र ते॒ नावं॒ न सम॑ने वच॒स्युवं॒ ब्रह्म॑णा यामि॒ सव॑नेषु॒ दाधृ॑षिः | कु॒विन्नो॑ अ॒स्य वच॑सो नि॒बोधि॑ष॒दिन्द्र॒मुत्सं॒ न वसु॑नः सिचामहे ||

    prá te nā́vaṁ ná sámane vacasyúvam bráhmaṇā yāmi sávaneṣu dā́dhr̥ṣiḥ kuvín no asyá vácaso nibódhiṣad índram útsaṁ ná vásunaḥ sicāmahe

    I approach you with my prayers, Indra, like a strong ship in your rituals. You are eager for praise. May you understand our words! We invoke you like a spring of wealth.

    Stanza 2.16.8

    पु॒रा स॑म्बा॒धाद॒भ्या व॑वृत्स्व नो धे॒नुर्न व॒त्सं यव॑सस्य पि॒प्युषी॑ | स॒कृत्सु ते॑ सुम॒तिभिः॑ शतक्रतो॒ सं पत्नी॑भि॒र्न वृष॑णो नसीमहि ||

    purā́ sambādhā́d abhy ā́ vavr̥tsva no dhenúr ná vatsáṁ yávasasya pipyúṣī sakŕ̥t sú te sumatíbhiḥ śatakrato sám pátnībhir ná vŕ̥ṣaṇo nasīmahi

    Turn to us, Indra, before trouble comes, like a cow to her calf. With your wisdom, help us to hold onto your favor, like wives to their husbands, so we can speak proudly with heroes.

    Stanza 2.16.9

    नू॒नं सा ते॒ प्रति॒ वरं॑ जरि॒त्रे दु॑ही॒यदि॑न्द्र॒ दक्षि॑णा म॒घोनी॑ | शिक्षा॑ स्तो॒तृभ्यो॒ माति॑ ध॒ग्भगो॑ नो बृ॒हद्व॑देम वि॒दथे॑ सु॒वीराः॑ ||

    nūnáṁ sā́ te práti váraṁ jaritré duhīyád indra dákṣiṇā maghónī śíkṣā stotŕ̥bhyo mā́ti dhag bhágo no br̥hád vadema vidáthe suvī́rāḥ

    Now, Indra, may your generous fortune grant a boon to your singer. Give gifts to us singers, don't let our fortune fail. Help us speak grandly with heroes in the assembly.

    ← Previous Hymn Next Hymn →