← →

    Stanza 10.22.1

    कुह॑ श्रु॒त इन्द्रः॒ कस्मि॑न्न॒द्य जने॑ मि॒त्रो न श्रू॑यते | ऋषी॑णां वा॒ यः क्षये॒ गुहा॑ वा॒ चर्कृ॑षे गि॒रा ||

    kúha śrutá índraḥ kásminn adyá jáne mitró ná śrūyate ŕ̥ṣīṇāṁ vā yáḥ kṣáye gúhā vā cárkr̥ṣe girā́

    Where is the renowned Indra heard? With what people is he famous today, like Mitra? He who is celebrated with song in the home of the sages, or in secret places?

    Stanza 10.22.2

    इ॒ह श्रु॒त इन्द्रो॑ अ॒स्मे अ॒द्य स्तवे॑ व॒ज्र्यृची॑षमः | मि॒त्रो न यो जने॒ष्वा यश॑श्च॒क्रे असा॒म्या ||

    ihá śrutá índro asmé adyá stáve vajry ŕ̥cīṣamaḥ mitró ná yó jáneṣv ā́ yáśaś cakré ásāmy ā́

    Here is the renowned Indra among us today, praised. The glorious, thunder-wielding one who, like Mitra, has achieved great fame among the people.

    Stanza 10.22.3

    म॒हो यस्पतिः॒ शव॑सो॒ असा॒म्या म॒हो नृ॒म्णस्य॑ तूतु॒जिः | भ॒र्ता वज्र॑स्य धृ॒ष्णोः पि॒ता पु॒त्रमि॑व प्रि॒यम् ||

    mahó yás pátiḥ śávaso ásāmy ā́ mahó nr̥mṇásya tūtujíḥ bhartā́ vájrasya dhr̥ṣṇóḥ pitā́ putrám iva priyám

    He is the sovereign lord of great power and might, the bearer of the thunderbolt, the daring one, like a father bears his dear son.

    Stanza 10.22.4

    यु॒जा॒नो अश्वा॒ वात॑स्य॒ धुनी॑ दे॒वो दे॒वस्य॑ वज्रिवः | स्यन्ता॑ प॒था वि॒रुक्म॑ता सृजा॒नः स्तो॒ष्यध्व॑नः ||

    yujānó áśvā vā́tasya dhúnī devó devásya vajrivaḥ syántā pathā́ virúkmatā sr̥jāná stoṣy ádhvanaḥ

    Harnessing the two steeds of the wind, O thunder-wielding Indra, moving along the shining path, you create ways and are glorified.

    Stanza 10.22.5

    त्वं त्या चि॒द्वात॒स्याश्वागा॑ ऋ॒ज्रा त्मना॒ वह॑ध्यै | ययो॑र्दे॒वो न मर्त्यो॑ य॒न्ता नकि॑र्वि॒दाय्यः॑ ||

    tváṁ tyā́ cid vā́tasyā́śvā́gā r̥jrā́ tmánā váhadhyai yáyor devó ná mártyo yantā́ nákir vidā́yyaḥ

    You yourself have come to ride these swift horses of the wind. For them, neither a god nor a mortal man is a driver; no one can control them.

    Stanza 10.22.6

    अध॒ ग्मन्तो॒शना॑ पृच्छते वां॒ कद॑र्था न॒ आ गृ॒हम् | आ ज॑ग्मथुः परा॒काद्दि॒वश्च॒ ग्मश्च॒ मर्त्य॑म् ||

    ádha gmántośánā pr̥chate vāṁ kádarthā na ā́ gr̥hám ā́ jagmathuḥ parākā́d diváś ca gmáś ca mártyam

    As you approach, people ask you: 'Why have you come to our home? Why have you come to a mortal, from the distant earth and sky?'

    Stanza 10.22.7

    आ न॑ इन्द्र पृक्षसे॒ऽस्माकं॒ ब्रह्मोद्य॑तम् | तत्त्वा॑ याचाम॒हेऽवः॒ शुष्णं॒ यद्धन्नमा॑नुषम् ||

    ā́ na indra pr̥kṣase 'smā́kam bráhmódyatam tát tvā yācāmahé 'vaḥ śúṣṇaṁ yád dhánn ámānuṣam

    Speak kindly to us, O Indra. Our prayer is offered. We ask for your help, as you defeated the man-like demon Shuṣṇa.

    Stanza 10.22.8

    अ॒क॒र्मा दस्यु॑र॒भि नो॑ अम॒न्तुर॒न्यव्र॑तो॒ अमा॑नुषः | त्वं तस्या॑मित्रह॒न्वध॑र्दा॒सस्य॑ दम्भय ||

    akarmā́ dásyur abhí no amantúr anyávrato ámānuṣaḥ tváṁ tásyāmitrahan vádhar dāsásya dambhaya

    The Dasyu is without ritual, without thought, disobedient, inhuman. You, slayer of the enemy, confound his weapon.

    Stanza 10.22.9

    त्वं न॑ इन्द्र शूर॒ शूरै॑रु॒त त्वोता॑सो ब॒र्हणा॑ | पु॒रु॒त्रा ते॒ वि पू॒र्तयो॒ नव॑न्त क्षो॒णयो॑ यथा ||

    tváṁ na indra śūra śū́rair utá tvótāso barháṇā purutrā́ te ví pūrtáyo návanta kṣoṇáyo yathā

    You, O hero Indra, are ours, along with heroes. Those protected by you are strong. Your gifts are spread everywhere, like subjects who praise.

    Stanza 10.22.10

    त्वं तान्वृ॑त्र॒हत्ये॑ चोदयो॒ नॄन्का॑र्पा॒णे शू॑र वज्रिवः | गुहा॒ यदी॑ कवी॒नां वि॒शां नक्ष॑त्रशवसाम् ||

    tváṁ tā́n vr̥trahátye codayo nr̥ŕ̥n kārpāṇé śūra vajrivaḥ gúhā yádī kavīnā́ṁ viśā́ṁ nákṣatraśavasām

    You, O hero Indra, incite men in the killing of the enemy. In the fight, among the sages' tribes, whose strength is like the stars.

    Stanza 10.22.11

    म॒क्षू ता त॑ इन्द्र दा॒नाप्न॑स आक्षा॒णे शू॑र वज्रिवः | यद्ध॒ शुष्ण॑स्य द॒म्भयो॑ जा॒तं विश्वं॑ स॒याव॑भिः ||

    makṣū́ tā́ ta indra dānā́pnasa ākṣāṇé śūra vajrivaḥ yád dha śúṣṇasya dambháyo jātáṁ víśvaṁ sayā́vabhiḥ

    Swiftly come your gifts, O hero Indra, thunder-wielder. As you destroyed Shuṣṇa and his companions, so destroy them.

    Stanza 10.22.12

    माकु॒ध्र्य॑गिन्द्र शूर॒ वस्वी॑र॒स्मे भू॑वन्न॒भिष्ट॑यः | व॒यंव॑यं त आसां सु॒म्ने स्या॑म वज्रिवः ||

    mā́kudhryàg indra śūra vásvīr asmé bhūvann abhíṣṭayaḥ vayáṁ-vayaṁ ta āsāṁ sumné syāma vajrivaḥ

    Let your excellent gifts not be fruitless for us, O hero Indra. May we be in the favor of these gifts, O wielder of the thunderbolt.

    Stanza 10.22.13

    अ॒स्मे ता त॑ इन्द्र सन्तु स॒त्याहिं॑सन्तीरुप॒स्पृशः॑ | वि॒द्याम॒ यासां॒ भुजो॑ धेनू॒नां न व॑ज्रिवः ||

    asmé tā́ ta indra santu satyā́hiṁsantīr upaspŕ̥śaḥ vidyā́ma yā́sām bhújo dhenūnā́ṁ ná vajrivaḥ

    May those gifts of yours be true and beneficial to us, O Indra. May we know their strength, like that of cows, O wielder of the thunderbolt.

    Stanza 10.22.14

    अ॒ह॒स्ता यद॒पदी॒ वर्ध॑त॒ क्षाः शची॑भिर्वे॒द्याना॑म् | शुष्णं॒ परि॑ प्रदक्षि॒णिद्वि॒श्वाय॑वे॒ नि शि॑श्नथः ||

    ahastā́ yád apádī várdhata kṣā́ḥ śácībhir vedyā́nām śúṣṇam pári pradakṣiṇíd viśvā́yave ní śiśnathaḥ

    When the handless and footless Earth grew with knowledge and power, you destroyed Shuṣṇa and scattered him for the benefit of all.

    Stanza 10.22.15

    पिबा॑पि॒बेदि॑न्द्र शूर॒ सोमं॒ मा रि॑षण्यो वसवान॒ वसुः॒ सन् | उ॒त त्रा॑यस्व गृण॒तो म॒घोनो॑ म॒हश्च॑ रा॒यो रे॒वत॑स्कृधी नः ||

    píbā-pibéd indra śūra sómam mā́ riṣaṇyo vasavāna vásuḥ sán utá trāyasva gr̥ṇató maghóno maháś ca rāyó revátas kr̥dhī naḥ

    Drink the Soma, O hero Indra, and do not hold back your wealth. Protect those who praise you, and make us rich with great wealth.

    ← Previous Hymn Next Hymn →